رشتۂ حسن و محبت ہے نہایت نازک

رشتۂ حسن و محبت ہے نہایت نازک

قصر معشوق کی ہوتی ہے اقامت نازک

پردۂ محمل لیلیٰ سے ہے مجنوں کو تراس

رنگ چہرے کا اڑا ہو گئی حالت نازک

دست نازک سے گرا پنجۂ مرجاں ناگاہ

در منشور لئے آئی ہے ساعت نازک

مرحلہ جشن عروسی کا بہر طور رہا

بن گئی اور صبیحہ کی صباحت نازک

زیب دیتی نہیں نسریںؔ کو یہ دنیا داری

کس طرح عہدہ برا ہووے ذہانت نازک

rishta-e-husn-o-mohabbat hai nihayat nazuk

qasr-e-maashuq ki hoti hai iqamat nazuk

parda-e-mahmil-e-laila se hai majnun ko tarus

rang chehre ka ura ho gai halat nazuk

dast-e-nazuk se gira panja-e-marjan nagah

dar-e-manshur liye ai hai saat nazuk

marhala jashn-e-urusi ka bahar taur raha

ban gai aur sabeha ki sabahat nazuk

zeb deti nahin nasrain ko ye duniya dari

kis tarah ohda bura howe zihanat nazuk