بات ساقی کی نہ ٹالی جائے گی

بات ساقی کی نہ ٹالی جائے گی

یہ غزل سانچے میں ڈھالی جائے گی

کر کے توبہ آئے دل کو جب قرار

مہر شیشہ توڑ ڈالی جائے گی

جب نقاب رخ ہٹا لی جائے گی

صبح ہوگی رات کالی جائے گی

کہکشاں ہے رفعتوں میں واژگوں

اس طرف کیوں طبع عالی جائے گی

پان کھاتے ہیں تو وہ کرتے ہیں قتل

کب بھلا ہونٹوں سے لالی جائے گی

باغباں آمادۂ پیکار ہے

یہ سبد گلچیں کی خالی جائے گی

دستک ناموس کا ہے یہ شعور

در پہ دلبر کے نہ ٹالی جائے گی

میہماں عالی طبیعت ہے بہت

خوان میں سونے کی تھالی جائے گی

غم نہ کر نسریںؔ تری کشتی ضرور

شوخ موجوں سے نکالی جائے گی

bat saqi ki na tali jaegi

ye ghazal sanche mein dhali jaegi

kar ke tauba ae dil ko jab qarar

mehr shisha tor dali jaegi

jab naqab-e-rukh hata li jaegi

subh hogi rat kali jaegi

kahkashan hai rifaton mein wazhgon

is taraf kyun tab-e-ali jaegi

pan khate hain to wo karte hain qatl

kab bhala honton se lali jaegi

baghban amada-e-paikar hai

ye sabad gulchin ki khali jaegi

dastak-e-namus ka hai ye shuur

dar pe dilbar ke na tali jaegi

mehman ali tabiat hai bahut

khwan mein sone ki thali jaegi

gham na kar nasrain tiri kashti zarur

shokh maujon se nikali jaegi