قوس قزح سے ٹوٹ کے ہر رنگ بہہ گیا

قوس قزح سے ٹوٹ کے ہر رنگ بہہ گیا

یہ ظلم بھی تو آسماں چپ چاپ سہہ گیا

ہر درد بے کسک ہے ہر اک غم ہے اجنبی

یارو ہمارا شہر میں اب کون رہ گیا

ہر پھول آگ پھینک رہا ہے مری طرف

بھولے سے آج میں کوئی حق بات کہہ گیا

تنہائیوں نے پیار سے پھیلا دئے ہیں ہاتھ

ہر لمحۂ فراق دھواں بن کے رہ گیا

اقبالؔ فکر نو کے سمندر کے سامنے

تنکے کی طرح قصر روایات بہہ گیا

qaus-e-quzah se tut ke har rang bah gaya

ye zulm bhi to asman chup chap sah gaya

har dard-e-be kasak hai har ik gham hai ajnabi

yaro hamara shahr mein ab kaun rah gaya

har phul ag phenk raha hai miri taraf

bhule se aj main koi haq bat kah gaya

tanhaiyon ne pyar se phaila diye hain hath

har lamha-e-firaq dhuan ban ke rah gaya

iqbal fikr-e-nau ke samundar ke samne

tinke ki tarah qasr-e-riwayat bah gaya