مستی بھری وہ شام سہانی اٹھا کے لا
Kaleem Jazil (b. 1992)مستی بھری وہ شام سہانی اٹھا کے لا
جا میکدے سے میری جوانی اٹھا کے لا
دل کی امنگ وصل کی خوشبو کے واسطے
باغ وفا سے رات کی رانی اٹھا کے لا
باطل سے تجھ کو معرکہ کرنا ہے گر یہاں
چھوڑی ہوئی سلف کی نشانی اٹھا کے لا
اے بلبل چمن تجھے شہرت جو چاہیے
جا اس کے لب کی شوخ بیانی اٹھا کے لا
دیوار دل کی شان بڑھانے کے واسطے
تصویر اس کی کوئی پرانی اٹھا کے لا
محفل میں ہوں گی تیری پذیرائیاں بہت
جاذلؔ تو اپنی گزری کہانی اٹھا کے لا
masti bhari wo sham suhani utha ke la
ja maikade se meri jawani utha ke la
dil ki umang wasl ki khushbu ke waste
bagh-e-wafa se rat ki rani utha ke la
batil se tujh ko marka karna hai gar yahan
chhori hui salaf ki nishani utha ke la
ai bulbul-e-chaman tujhe shohrat jo chahiye
ja us ke lab ki shokh bayani utha ke la
diwar dil ki shan barhane ke waste
taswir us ki koi purani utha ke la
mahfil mein hongi teri paziraiyan bahut
jazall to apni guzri kahani utha ke la