چمن کی تازگی پھولوں کی دلکشی لے کر

چمن کی تازگی پھولوں کی دلکشی لے کر

ترے دیار میں آیا ہوں زندگی لے کر

جو کر رہا ہے اکٹھا متاع ہستی تو

وہاں نہ جائے گا سن لے تو ایک بھی لے کر

رگوں میں دوڑ رہی ہے سیاہی نفرت کی

چلے بھی آؤ محبت کی روشنی لے کر

نواز دیں گے تو احسان آپ کا ہوگا

میں ٹوٹی پھوٹی یہاں آیا شاعری لے کر

زمانہ دیکھنے لگتا ہے شک کی نظروں سے

کوئی نکلتا نہیں لب پہ اب ہنسی لے کر

کسی سے کچھ نہیں کہتا ہے اپنے دل کی بات

بھٹک رہا ہے وہ ہونٹوں پہ خامشی لے کر

اندھیرے پاؤں پساریں گے کس طرح جاذلؔ

محبتوں کی میں نکلا ہوں چاندنی لے کر

chaman ki tazgi phulon ki dilkashi le kar

tire dayar mein aya hun zindagi le kar

jo kar raha hai ikattha mata-e-hasti to

wahan na jaega sun le to ek bhi le kar

ragon mein daur rahi hai siyahi nafrat ki

chale bhi ao mohabbat ki raushni le kar

nawaz denge to ehsan ap ka hoga

main tuti phuti yahan aya shayari le kar

zamana dekhne lagta hai shak ki nazron se

koi nikalta nahin lab pe ab hansi le kar

kisi se kuchh nahin kahta hai apne dil ki bat

bhatak raha hai wo honton pe khamushi le kar

andhere paon pasaren ge kis tarah jazall

mohabbaton ki main nikla hun chandni le kar