ابھی لطافت اردو زبان باقی ہے

ابھی لطافت اردو زبان باقی ہے

وہ بانکپن وہ کلام و بیان باقی ہے

محبتوں میں جو رہتی ہے فاصلے کی لکیر

ابھی وہ تیرے مرے درمیان باقی ہے

نکل کے دیکھ تو بازار زندگی میں ذرا

محبتوں کی ہزاروں دکان باقی ہے

تو دیکھ لے تو تری آنکھ بھی چھلک اٹھے

بدن پہ زخم کا سارا نشان باقی ہے

مجھے ہو خوف بھلا کیوں سیاہ راتوں کا

ترے خیال کا روشن جہان باقی ہے

کتاب عشق و محبت میں آج بھی جاذلؔ

وصال و ہجر کی اک داستان باقی ہے

abhi latafat urdu zaban baqi hai

wo bankpan wo kalam-o-bayan baqi hai

mohabbaton mein jo rahti hai fasle ki lakir

abhi wo tere mire darmiyan baqi hai

nikal ke dekh to bazar zindagi mein zara

mohabbaton ki hazaron dukan baqi hai

tu dekh le to tiri ankh bhi chhalak uthe

badan pe zakhm ka sara nishan baqi hai

mujhe ho khauf bhala kyun siyah raton ka

tire khayal ka raushan jahan baqi hai

kitab-e-ishq-o-mohabbat mein aj bhi jazall

wisal-o-hijr ki ik dastan baqi hai