یوں باغ کوئی ہم نے اجڑتا نہیں دیکھا

یوں باغ کوئی ہم نے اجڑتا نہیں دیکھا

مدت سے کسی پھول کا چہرہ نہیں دیکھا

اس شہر میں شاید کوئی دل والا نہیں ہے

جو حسن کہیں بنتا سنورتا نہیں دیکھا

صیاد سے گل کرتے رہے جان کا سودا

مالی نے لہو کا کوئی دریا نہیں دیکھا

جو سکھ کے اجالے میں تھا پرچھائیں ہماری

اب دکھ کے اندھیرے میں وہ سایا نہیں دیکھا

ادراک کی سرحد پہ کئی بار گیا ہوں

جو حد سے گزر جاتا وہ لمحہ نہیں دیکھا

خوددارئ انساں کو اماں کیسے ملے گی

مدت سے زمانے میں مسیحا نہیں دیکھا

yun bagh koi ham ne ujarta nahin dekha

muddat se kisi phul ka chehra nahin dekha

is shahr mein shayad koi dil wala nahin hai

jo husn kahin banta sanwarta nahin dekha

sayyad se gul karte rahe jan ka sauda

mali ne lahu ka koi dariya nahin dekha

jo sukh ke ujale mein tha parchhain hamari

ab dukh ke andhere mein wo saya nahin dekha

idrak ki sarhad pe kai bar gaya hun

jo had se guzar jata wo lamha nahin dekha

khuddari-e-insan ko aman kaise milegi

muddat se zamane mein masiha nahin dekha