خیال و خواب کی زلفیں سنوار تھوڑی دیر
Hafeez Betab (b. 1941)خیال و خواب کی زلفیں سنوار تھوڑی دیر
ابھی ہے اور شب انتظار تھوڑی دیر
محبتوں کے یہ پیکر یہ دوستی کے امین
وفا کے ہوتے ہیں سب پاسدار تھوڑی دیر
ابھی نہ روکئے ان آنسوؤں کو پلکوں پر
نکلنے دیجئے دل کا غبار تھوڑی دیر
تمام عمر رہا اس کا انتظار مجھے
جو کہہ گیا تھا کرو انتظار تھوڑی دیر
بنا رہوں میں تماشائے آرزو کب تک
عذاب مجھ پہ خدایا اتار تھوڑی دیر
ضرور پگھلیں گی یخ بستہ وادیاں بیتابؔ
رکے تو دھوپ سر کوہسار تھوڑی دیر
khayal-o-khwab ki zulfen sanwar thori der
abhi hai aur shab-e-intizar thori der
mohabbaton ke ye paikar ye dosti ke amin
wafa ke hote hain sab pasdar thori der
abhi na rokiye un ansuon ko palkon par
nikalne dijiye dil ka ghubar thori der
tamam umr raha us ka intizar mujhe
jo kah gaya tha karo intizar thori der
bana rahon main tamasha-e-arzu kab tak
azab mujh pe khudaya utar thori der
zarur pighlengi yakh basta wadiyan betab
ruke to dhup sar-e-kohsar thori der