تیری صورت سے آشنا ہوں میں

تیری صورت سے آشنا ہوں میں

یوں ہی پاگل نہیں ہوا ہوں میں

دم بہ دم مجھ کو آزماتے ہو

ایک دنیا میں کیا بچا ہوں میں

اجنبی ہے وہ خوبرو لیکن

لگ رہا ہے کہ جانتا ہوں میں

ناگ ڈستا تو مر نہ جاتا میں

ہائے اس زلف کا ڈسا ہوں میں

تیری دنیا میں کیوں رہوں اب جب

تیری محفل سے اٹھ چکا ہوں میں

چھاچھ خوشیوں کی پی نہیں سکتا

عشق کے دودھ کا جلا ہوں میں

میری فریاد سن نہیں سکتے

اور دعویٰ ہے کہ خدا ہوں میں

تیری دہلیز پر قدم روکے

جانے کس سوچ میں کھڑا ہوں میں

دل سے نزدیک یار سے شاہدؔ

دور ہو کر بھی کب جدا ہوں میں

teri surat se ashna hun main

yun hi pagal nahin hua hun main

dam ba dam mujh ko azmate ho

ek duniya mein kya bacha hun main

ajnabi hai wo khubru lekin

lag raha hai ke janta hun main

nag dasta to mar na jata main

hae is zulf ka dasa hun main

teri duniya mein kyun rahun ab jab

teri mahfil se uth chuka hun main

chhachh khushiyon ki pi nahin sakta

ishq ke dudh ka jala hun main

meri fariyad sun nahin sakte

aur daawa hai ke khuda hun main

teri dahliz par qadam roke

jane kis soch mein khara hun main

dil se nazdik yar se shahid

dur ho kar bhi kab juda hun main