حسن کو بے نقاب دیکھا ہے

حسن کو بے نقاب دیکھا ہے

جیوں کھلی آنکھ خواب دیکھا ہے

کیسا حیرانگی کا عالم ہے

فرش پر ماہتاب دیکھا ہے

آپ پہلو بدل کے انگڑائے

یا کوئی انقلاب دیکھا ہے

آپ دیکھے تو یہ لگا جیسے

آرزو کا شباب دیکھا ہے

چشم نرگس میں لاج کے ڈورے

یا کہ جام شراب دیکھا ہے

ناز کس بات پر تجھے ہے گل

ہم نے تیرا جواب دیکھا ہے

آشیاں کو قفس سمجھتے ہیں

ہم سا خانہ خراب دیکھا ہے

ساتھ کانٹوں کے جو نہیں راہیؔ

آج ایسا گلاب دیکھا ہے

husn ko be naqab dekha hai

jyun khuli ankh khwab dekha hai

kaisa hairangi ka alam hai

farsh par mahtab dekha hai

ap pahlu badal ke angrae

ya koi inqilab dekha hai

ap dekhe to ye laga jaise

arzu ka shabab dekha hai

chashm-e-nargis mein laj ke dore

ya ke jam-e-sharab dekha hai

naz kis bat par tujhe hai gul

ham ne tera jawab dekha hai

ashiyan ko qafas samajhte hain

ham sa khana kharab dekha hai

sath kanton ke jo nahin rahi

aj aisa gulab dekha hai