اپنے ہاتھوں سے سجا اور مجھے صندل کر دے
Saba Azeezاپنے ہاتھوں سے سجا اور مجھے صندل کر دے
دل کی بستی میں عجب پیار کی ہلچل کر دے
تیری یادوں کا یہ شعلہ بھی عجب ہے جاناں
دل کے شاداب گلستاں کو بھی جنگل کر دے
جذبۂ عشق اگر دل میں ہے اس طرح سے مل
کہ اڑا ہوش مرے اور مجھے پاگل کر دے
آ جا اور آ کے کھلا اپنی محبت کے گلاب
میں ادھوری ہوں ابھی مجھ کو مکمل کر دے
ہم سفر تو ہے اگر میرا تو یہ دھیان بھی رکھ
وادیٔ عشق کی ہر راہ کو جل تھل کر دے
بے وفائی کی سزا تجھ کو دے مولا ایسی
مجھ کو باہوش رکھے اور تجھے پاگل کر دے
ہر مصیبت سے صباؔ ہنس کے گزر جاؤں گی
میرے سر پہ وہ اگر پیار کا بادل کر دے
apne hathon se saja aur mujhe sandal kar de
dil ki basti mein ajab pyar ki halchal kar de
teri yadon ka ye shola bhi ajab hai janan
dil ke shadab gulistan ko bhi jangal kar de
jazba-e-ishq agar dil mein hai is tarah se mil
ke ura hosh mire aur mujhe pagal kar de
a ja aur a ke khula apni mohabbat ke gulab
main adhuri hun abhi mujh ko mukammal kar de
ham safar to hai agar mera to ye dhyan bhi rakh
wadi-e-ishq ki har rah ko jal thal kar de
be wafai ki saza tujh ko de maula aisi
mujh ko bahosh rakhe aur tujhe pagal kar de
har musibat se saba hans ke guzar jaungi
mere sar pe wo agar pyar ka badal kar de