ذرا سی بات پہ آنکھیں بھگونے لگتے تھے

ذرا سی بات پہ آنکھیں بھگونے لگتے تھے

ہمارے جیسے خوشی میں بھی رونے لگتے تھے

اداسی غیر کی آنکھوں میں جب بھی دکھتی تھی

اسے بھی اپنی ہی آنکھوں میں ڈھونے لگتے تھے

عجیب قرب تھا تجھ سے کہ وقت رخصت میں

اداس گھر کے سبھی لوگ ہونے لگتے تھے

ہمیں پتہ ہی نہیں تھی حقیقت تعبیر

سویرا ہوتے ہی ہم خواب بونے لگتے تھے

غم حیات میں وحشت کا عالم ایسا تھا

کہ چیختے ہوئے سے گھر کے کونے لگتے تھے

بس اپنے جیسے ہی کرتے تھے رت جگے ورنہ

تھے ایسے لوگ بھی جو رو کے سونے لگتے تھے

تری ندی کی روانی میں تھی کشش ایسی

ہم اپنی کشتیاں خود ہی ڈبونے لگتے تھے

zara si bat pe ankhen bhigone lagte the

hamare jaise khushi mein bhi rone lagte the

udasi ghair ki ankhon mein jab bhi dikhti thi

use bhi apni hi ankhon mein dhone lagte the

ajib qurb tha tujh se ke waqt-e-rukhsat mein

udas ghar ke sabhi log hone lagte the

hamen pata hi nahin thi haqiqat-e-taabir

sawera hote hi ham khwab bone lagte the

gham-e-hayat mein wahshat ka alam aisa tha

ke chikhte hue se ghar ke kone lagte the

bas apne jaise hi karte the rut jage warna

the aise log bhi jo ro ke sone lagte the

tiri nadi ki rawani mein thi kashish aisi

ham apni kashtiyan khud hi dubone lagte the