خواب پلکوں پر سلگنے اور بھی تھے

خواب پلکوں پر سلگنے اور بھی تھے

آنکھوں کی قسمت میں دھوکے اور بھی تھے

جس کو کھونے کا طریقہ ایک ہی تھا

اس کو پانے کے طریقے اور بھی تھے

مجھ کو آخر توڑنے کی وجہ کیا تھی

شاخ پہ جب میرے جیسے اور بھی تھے

دل کو ہلکا کرنے کو رونے لگا میں

جب کہ رونے کے نتیجے اور بھی تھے

چند لمحوں کی خوشی میں بھول بیٹھا

میرے اوپر غم کے سائے اور بھی تھے

میں اکیلا ہی پہنچ پایا ہوں مجھ تک

میرے پیچھے آنے والے اور بھی تھی

سب کی نظریں آ کے مجھ پر ٹک گئی تھیں

جب کہ دنیا میں تماشے اور بھی تھے

khwab palkon par sulagne aur bhi the

ankhon ki qismat mein dhoke aur bhi the

jis ko khone ka tariqa ek hi tha

us ko pane ke tariqe aur bhi the

mujh ko akhir torne ki wajh kya thi

shakh pe jab mere jaise aur bhi the

dil ko halka karne ko rone laga mein

jab ke rone ke natije aur bhi the

chand lamhon ki khushi mein bhul baitha

mere upar gham ke sae aur bhi the

main akela hi pahunch paya hun mujh tak

mere pichhe ane wale aur bhi thi

sab ki nazren a ke mujh par tuk gai thin

jab ke duniya mein tamashe aur bhi the