اب وہ پہلا سا سلسلہ بھی نہیں

اب وہ پہلا سا سلسلہ بھی نہیں

آنکھ میں کوئی رت جگا بھی نہیں

ہجر کی اک کسک تو ہے لیکن

میں محبت کی شاعرہ بھی نہیں

یہ عبادت نہیں محبت ہے

آپ انسان ہیں خدا بھی نہیں

درد دل کی دوا کا ذکر ہی کیا

اب لبوں پر کوئی دعا بھی نہیں

کوئی احساس کیسے جاگے گا

آپ کے گھر میں آئنہ بھی نہیں

آپ کو پوجتی رہوں تا عمر

آپ کچھ ایسے دیوتا بھی نہیں

ab wo pahla sa silsila bhi nahin

ankh mein koi rut jaga bhi nahin

hijr ki ik kasak to hai lekin

main mohabbat ki shaira bhi nahin

ye ibadat nahin mohabbat hai

ap insan hain khuda bhi nahin

dard-e-dil ki dawa ka zikr hi kya

ab labon par koi dua bhi nahin

koi ehsas kaise jagega

ap ke ghar mein aina bhi nahin

ap ko pujti rahun ta umar

ap kuchh aise dewta bhi nahin