بہ مصلحت ہی سہی رازداں ضروری ہے

بہ مصلحت ہی سہی رازداں ضروری ہے

رہ وفا میں کوئی مہرباں ضروری ہے

جو تو شجر ہے تو مجھ کو پناہ دے جاناں

مسافروں کے لیے سائباں ضروری ہے

بغیر نام کے تیرے نہیں مری پہچان

زمیں کے واسطے ایک آسماں ضروری ہے

یہ کس سے پوچھیں کہ اظہار آرزو کرنا

کہاں نہیں ہے ضروری کہاں ضروری ہے

ba maslahat hi sahi razdan zaruri hai

rah-e-wafa mein koi mehrban zaruri hai

jo tu shajar hai to mujh ko panah de janan

musafiron ke liye saiban zaruri hai

baghair nam ke tere nahin miri pahchan

zamin ke waste ek asman zaruri hai

ye kis se puchhen ke izhar-e-arzu karna

kahan nahin hai zaruri kahan zaruri hai