اٹھی تھیں آندھیاں جن کو بجھانے

اٹھی تھیں آندھیاں جن کو بجھانے

وہ شمعیں اور بھڑکیں اس بہانے

نقابیں بجلیوں کی رخ پہ ڈالے

چمن والوں نے لوٹے آشیانے

یہ کیوں وحشت سے لپکا دست گلچیں

کلی شاید لگی تھی کچھ بتانے

ابھی موہوم ہے سجدے کا مفہوم

جھکا پھر کس لیے سر کون جانے

شعور زندگی کی ڈھال لے کر

چلے ہم موت سے آنکھیں ملانے

uthi thin andhiyan jin ko bujhane

wo shamen aur bharken is bahane

naqaben bijliyon ki rukh pe dale

chaman walon ne laute ashiyane

ye kyun wahshat se lapka dast-e-gulchin

kali shayad lagi thi kuchh batane

abhi mauhum hai sajde ka mafhum

jhuka phir kis liye sar kaun jane

shuur-e-zindagi ki dhal le kar

chale ham maut se ankhen milane