دم بخود گلشنوں کی رعنائی

دم بخود گلشنوں کی رعنائی

کیسی کھوئی ہوئی بہار آئی

تم کو سودائے محفل آرائی

اور ہمیں جستجوئے تنہائی

راحتیں تم کو رنج ہم کو عزیز

اپنی اپنی نظر کی گہرائی

کتنی بے گانگی سے دیکھتے ہو

جب غم زندگی کی بات آئی

زخم در زخم ہے حیات فناؔ

کیسے کر پاؤ گے مسیحائی

dam bakhud gulshanon ki raanai

kaisi khoi hui bahar ai

tum ko sauda-e-mahfil arai

aur hamen justuju-e-tanhai

rahaten tum ko ranj ham ko aziz

apni apni nazar ki gahrai

kitni be gangi se dekhte ho

jab gham-e-zindagi ki bat ai

zakhm dar zakhm hai hayat fana

kaise kar paoge masihai