دشت میری ہی دہائی دے گا

دشت میری ہی دہائی دے گا

پھر مجھے آبلہ پائی دے گا

روشنی روح تلک آ پہنچی

اب اندھیرے میں دکھائی دے گا

زرد پتوں کا دھڑکتا ہوا دل

خامشی میں بھی سنائی دے گا

توڑ کر دیکھ تو آئینۂ دل

شہر کا شہر دکھائی دے گا

کشف و آگاہی کے آئینے میں

اپنا بہروپ دکھائی دے گا

dasht meri hi duhai dega

phir mujhe abla pai dega

raushni ruh talak a pahunchi

ab andhere mein dikhai dega

zard patton ka dharakta hua dil

khamushi mein bhi sunai dega

tor kar dekh to aina-e-dil

shahr ka shahr dikhai dega

kashf-o-agahi ke aine mein

apna bahrup dikhai dega