جدھر نظریں اٹھائیں تیرگی ہے

جدھر نظریں اٹھائیں تیرگی ہے

ہماری زندگی کیا زندگی ہے

یہ منزل ہے تو اے اصحاب منزل

یہ میری روح میں کیا تشنگی ہے

یہ غم کی انتہا ہے یا وفا کی

نظر میں پیاس ہونٹوں پر ہنسی ہے

یہ دل میں درد چمکا یا کوئی یاد

یہ کیسی آگ کی سی روشنی ہے

خرد کی انتہا مجھ سے نہ پوچھو

جب اس کی ابتدا دیوانگی ہے

اسے خطرہ ہے صرف اک فصل گل کا

خزاں کو کس قدر آسودگی ہے

jidhar nazren uthaen tirgi hai

hamari zindagi kya zindagi hai

ye manzil hai to ai ashab-e-manzil

ye meri ruh mein kya tishnagi hai

ye gham ki intiha hai ya wafa ki

nazar mein pyas honton par hansi hai

ye dil mein dard chamka ya koi yad

ye kaisi ag ki si raushni hai

khirad ki intiha mujh se na puchho

jab us ki ibtida diwangi hai

use khatra hai sirf ik fasl-e-gul ka

khizan ko kis qadar asudgi hai