دل جلایا تری خوشی کے لیے

دل جلایا تری خوشی کے لیے

یا خود اپنی ہی آگہی کے لیے

ہاتھ پر رکھ کے اپنی روح تپاں

ہم چلے اپنی رہبری کے لیے

نور کی محفلوں میں رہتے ہیں

جو ترستے ہیں روشنی کے لیے

کتنے آلام سہہ گئے ہم لوگ

ایک بے نام سی ہنسی کے لیے

آب حیواں بھی گر ملے تو نہ لیں

اپنے معیار تشنگی کے لیے

پھر کوئی قہر حضرت یزداں

کوئی تحریک بندگی کے لیے

dil jalaya tiri khushi ke liye

ya khud apni hi agahi ke liye

hath par rakh ke apni ruh-e-tapan

ham chale apni rahbari ke liye

nur ki mahfilon mein rahte hain

jo taraste hain raushni ke liye

kitne alam sah gae ham log

ek be nam si hansi ke liye

ab-e-haiwan bhi gar mile to na len

apne meyar tishnagi ke liye

phir koi qahr hazrat-e-yazdan

koi tahrik bandagi ke liye