درد کی رات نے یہ رنگ بھی دکھلائے ہیں

درد کی رات نے یہ رنگ بھی دکھلائے ہیں

میری پلکوں پہ ستارے سے اتر آئے ہیں

دل کے ویرانے میں کس یاد کا جھونکا گزرا

کس نے اس ریت میں یہ پھول سے مہکائے ہیں

ہم نے سوچا تری آنکھیں تو اٹھیں لب تو ہلیں

اس لیے ہم تری محفل سے چلے آئے ہیں

جن سے انسان کے زخموں کا مداوا نہ ہوا

آج وہ چاند ستاروں کی خبر لائے ہیں

چند سکوں کی طلب حسرت بے جا تو نہ تھی

پھر بھی ہم پھیلے ہوئے ہاتھ سے گھبرائے ہیں

dard ki rat ne ye rang bhi dikhlae hain

meri palkon pe sitare se utar ae hain

dil ke wirane mein kis yad ka jhonka guzra

kis ne is ret mein ye phul se mahkae hain

ham ne socha tiri ankhen to uthen lab to hilen

is liye ham tiri mahfil se chale ae hain

jin se insan ke zakhmon ka mudawa na hua

aj wo chand sitaron ki khabar lae hain

chand sakun ki talab hasrat be ja to na thi

phir bhi ham phaile hue hath se ghabrae hain