کیا غضب تو نے اے بہار کیا

کیا غضب تو نے اے بہار کیا

پتی پتی کو بے قرار کیا

اب تو سچ بولنے کی رسم نہیں

کس نے پھر اہتمام دار کیا

آتش درد میں کمی نہ ہوئی

لاکھ آنکھوں کو اشک بار کیا

روشنی کی تلاش میں ہم نے

بارہا ظلمتوں سے پیار کیا

موج در موج تھے دکھوں کے بھنور

ہم نے تنہا سبھی کو پار کیا

جب بنایا تھا چاند اتنا حسیں

اس کا انجام کیوں غبار کیا

kya ghazab tu ne ai bahar kiya

patti patti ko be qarar kiya

ab to sach bolne ki rasm nahin

kis ne phir ehtimam dar kiya

atish-e-dard mein kami na hui

lakh ankhon ko ashk bar kiya

raushni ki talash mein ham ne

barha zulmaton se pyar kiya

mauj dar mauj the dukhon ke bhanwar

ham ne tanha sabhi ko par kiya

jab banaya tha chand itna hasin

us ka anjam kyun ghubar kiya