سوچتے ہیں تو کر گزرتے ہیں

سوچتے ہیں تو کر گزرتے ہیں

ہم تو منجدھار میں اترتے ہیں

موت سے کھیلتے ہیں ہم لیکن

غیر کی بندگی سے ڈرتے ہیں

جان اپنی تو ہے ہمیں بھی عزیز

پھر بھی شعلوں پہ رقص کرتے ہیں

دل فگاروں سے پوچھ کر دیکھو

کتنی صدیوں میں گھاؤ بھرتے ہیں

جن کو ہے اندمال زخم عزیز

آمد فصل گل سے ڈرتے ہیں

چھپ کے روتے ہیں سب کی نظروں سے

جو گلہ ہے وہ خود سے کرتے ہیں

sochte hain to kar guzarte hain

ham to manjdhar mein utarte hain

maut se khelte hain ham lekin

ghair ki bandagi se darte hain

jan apni to hai hamen bhi aziz

phir bhi sholon pe raqs karte hain

dil figaron se puchh kar dekho

kitni sadiyon mein ghao bharte hain

jin ko hai indimal zakhm aziz

amad-e-fasl-e-gul se darte hain

chhup ke rote hain sab ki nazron se

jo gila hai wo khud se karte hain