تمہارا ذوق ہی کامل نہیں ہے

تمہارا ذوق ہی کامل نہیں ہے

وگرنہ کوئی شے مشکل نہیں ہے

شرار غم کا جو حامل نہیں ہے

وہ دل سب کچھ تو ہے پر دل نہیں ہے

جہان رنگ و بو پر مٹنے والو

یہ دنیا موج ہے ساحل نہیں ہے

بڑھے جن کے قدم راہ جنوں میں

پھر ان کی کوئی بھی منزل نہیں ہے

نشاط انگیز نغمے کیا سنائیں

طبیعت اس طرف مائل نہیں ہے

tumhara zauq hi kamil nahin hai

wagarna koi shai mushkil nahin hai

sharar-e-gham ka jo hamil nahin hai

wo dil sab kuchh to hai par dil nahin hai

jahan-e-rang-o-bu par mitne walo

ye duniya mauj hai sahil nahin hai

barhe jin ke qadam rah-e-junun mein

phir un ki koi bhi manzil nahin hai

nishat angez naghme kya sunaen

tabiat is taraf mail nahin hai