ایسے لمحات بھی گزرتے ہیں

ایسے لمحات بھی گزرتے ہیں

جب نہ جیتے ہیں ہم نہ مرتے ہیں

ہم کہ شاعر ہیں دل کو خوں کر کے

اپنے گیتوں میں رنگ بھرتے ہیں

زندگی کی حقیقتوں کے گہر

بحر اندیشہ سے ابھرتے ہیں

کس قدر ہوشیار ہیں ہم بھی

اپنی دیوانگی سے ڈرتے ہیں

اک ذرا سی خوشی کی چاہت میں

ہم غموں سے نباہ کرتے ہیں

aise lamhat bhi guzarte hain

jab na jite hain ham na marte hain

ham ke shayar hain dil ko khun kar ke

apne giton mein rang bharte hain

zindagi ki haqiqaton ke guhar

bahr-e-andesha se ubharte hain

kis qadar hoshyar hain ham bhi

apni diwangi se darte hain

ik zara si khushi ki chahat mein

ham ghamon se nibah karte hain