اجڑا ہوا شہر پھر بساؤں

اجڑا ہوا شہر پھر بساؤں

یہ حوصلہ اب کہاں سے لاؤں

ٹوٹے ہوئے آئنے میں خود کو

میں دیکھ جو لوں تو ڈر نہ جاؤں

زخموں سے بھرے چمن میں رہ کر

پھولوں سے مہکتے گیت گاؤں

اے کاش وفا کی روشنی سے

امید کا اک دیا جلاؤں

تجدید وفا کے آسرے پر

زخموں کی چبھن بھی بھول جاؤں

اپنا ہی لہو روش روش پر

اے میرے چمن کسے دکھاؤں

ujra hua shahr phir basaun

ye hausla ab kahan se laun

tute hue aine mein khud ko

main dekh jo lun to dar na jaun

zakhmon se bhare chaman mein rah kar

phulon se mahakte git gaon

ai kash wafa ki raushni se

ummid ka ik diya jalaun

tajdid-e-wafa ke asre par

zakhmon ki chubhan bhi bhul jaun

apna hi lahu rawish rawish par

ai mere chaman kise dikhaun