تم نے دل کے دیے بجھائے ہیں

تم نے دل کے دیے بجھائے ہیں

ہم غموں کے چراغ لائے ہیں

تم سے اب ہم گلہ کریں بھی تو کیا

ہم نے خود ہی فریب کھائے ہیں

صف بہ صف روشنی کے پردے میں

ظلمتوں کے مہیب سائے ہیں

تم نے محلوں کی روشنی کے لیے

کتنے معصوم دل جلائے ہیں

قتل جب بھی ہوئے خیال مرے

کیسے کیسے خیال آئے ہیں

tum ne dil ke diye bujhae hain

ham ghamon ke charagh lae hain

tum se ab ham gila karen bhi to kya

ham ne khud hi fareb khae hain

saf ba saf raushni ke parde mein

zulmaton ke muhib sae hain

tum ne mahlon ki raushni ke liye

kitne maasum dil jalae hain

qatl jab bhi hue khayal mire

kaise kaise khayal ae hain