آئیے اے جان عالم آئیے

آئیے اے جان عالم آئیے

اپنے بندے پر کرم فرمائیے

عید آئی اور گیا ماہ صیام

چاند سا منہ آپ تو دکھلائیے

سال بھر گزرا امید وصل میں

عید کا دن ہے گلے لگ جائیے

اک گھڑی بھی بیٹھنا دوبھر ہوا

دل کو سمجھا لیں گے اچھا جائیے

وصل کی کہتا ہوں جب گوہرؔ سے میں

ہنس کے کہتے ہیں کہ منہ بنوایئے

aiye ai jan-e-alam aiye

apne bande par karam farmaiye

eid ai aur gaya mah-e-sayyam

chand sa munh ap to dikhlaiye

sal bhar guzra ummid-e-wasl mein

eid ka din hai gale lag jaiye

ik ghari bhi baithna dubhar hua

dil ko samjha lenge achchha jaiye

wasl ki kahta hun jab gauhar se main

hans ke kahte hain ke munh banwaiye