سحر نہ ہاتھ لگی سو ستارے چھو آئے

سحر نہ ہاتھ لگی سو ستارے چھو آئے

دعا کرو ہمیں آداب جستجو آئے

عجیب روشنی در آئی ہے دریچے سے

پرانے زخم سے یک لخت جیوں لہو آئے

بتاؤ گور کنو! ایک گھر بنا دوگے؟

کہ جس میں خواب نہ چہرہ نہ آرزو آئے

وہ تارہ ٹوٹا ادھر میل لکھ رہا ہوں تجھے

پہ تیرا نام نہ چہرہ نہ یاد تو آئے

چٹخ کے ٹوٹنا عادت ہوئی ہے چہرے کی

اور اس پہ شوق کہ آئینہ رو بہ رو آئے

sahar na hath lagi so sitare chhu ae

dua karo hamen adab-e-justuju ae

ajib raushni dar ai hai dariche se

purane zakhm se yak lakht jyun lahu ae

batao gor kino! ek ghar bana doge?

ke jis mein khwab na chehra na arzu ae

wo tara tuta idhar mel likh raha hun tujhe

pe tera nam na chehra na yad to ae

chatakh ke tutna adat hui hai chehre ki

aur us pe shauq ke aina ru ba ro ae