آدمیت کا دین میرے خواب

آدمیت کا دین میرے خواب

مثل آب و زمین میرے خواب

ہو گئے ہر نظر سے وابستہ

چھین پائے تو چھین میرے خواب

اک محبت بھرے سنیما میں

میرے مرنے کا سین میرے خواب

میری موجودگی ہے کوئی گماں

جس گماں کا یقین میرے خواب

موت جتنی حسین ہے یارو

اس سے بڑھ کر حسین میرے خواب

اپنے خوابوں میں رقص کرتا ہوں

آفرین آفرین میرے خواب

admiyyat ka din mere khwab

misl-e-ab-o-zamin mere khwab

ho gae har nazar se wabasta

chhin pae to chhin mere khwab

ik mohabbat bhare sanima mein

mere marne ka sain mere khwab

meri maujudgi hai koi guman

jis guman ka yaqin mere khwab

maut jitni hasin hai yaro

is se barh kar hasin mere khwab

apne khwabon mein raqs karta hun

afrin afrin mere khwab