تمام ریت پہ بکھرا ہے تن اداسی کا

تمام ریت پہ بکھرا ہے تن اداسی کا

وہ لہر ہے یا کوئی پیرہن اداسی کا

ہے اک دریچہ جہاں سے وہ دیکھتی ہے اتیت

سو لگ گیا مرے کمرے میں من اداسی کا

میں اس کی چھاؤں میں بیٹھوں تو جسم جلتا ہے

مرے شجر پہ لگا ہے گہن اداسی کا

ہمارے عشق کو قدرت نے جان بخشی ہے

تم اک سکوت ہو اور میں ہوں بن اداسی کا

تمہارے ہجر میں اک موت اور اس کے بعد

ہماری روح نے پکڑا بدن اداسی کا

tamam ret pe bikhra hai tan udasi ka

wo lahr hai ya koi pairahan udasi ka

hai ik daricha jahan se wo dekhti hai atet

so lag gaya mire kamre mein man udasi ka

main us ki chhaon mein baithun to jism jalta hai

mire shajar pe laga hai gahan udasi ka

hamare ishq ko qudrat ne jan bakhshi hai

tum ik sukut ho aur main hun ban udasi ka

tumhare hijr mein ik maut aur is ke baad

hamari ruh ne pakra badan udasi ka