Arooz is now on the App Store, for iPhone and iPad. Download →

All poetry

اب کہاں درد جسم و جان میں ہے

Vijay Sharma (b. 1995)

اب کہاں درد جسم و جان میں ہے

دفن ہے دل بدن دکان میں ہے

دن ڈھلے روز یوں لگے جیسے

کوئی مجھ سا مرے مکان میں ہے

دل کا کچھ بھی پتا نہیں چلتا

ہاتھ میں ہے کہ آسمان میں ہے

چھاؤں کے پل جلا دیے سارے

اف وہ سورج جو سائبان میں ہے

کیوں نہ تشبیہ پھول ہو اس کی

وہ جو خوشبو سا داستان میں ہے

اک سوال اور عرشؔ باقی ہے

آخری تیر بھی کمان میں ہے