رہی ہے یوں ہی ندامت مجھے مقدر سے

رہی ہے یوں ہی ندامت مجھے مقدر سے

گزر رہی ہے صبا جس طرح مرے گھر سے

چڑھا ہے شوق مجھے ضبط آزمانے کا

لکھوں فسانہ کوئی آئنہ پے پتھر سے

مسافروں سا کبھی جب میں شہر سے گزرا

تو راستوں میں کئی راستے تھے بنجر سے

تمہارے غم نے ڈبویا ہے پر پکارو تو

میں لوٹ آؤں اسی پل کسی سمندر سے

مزے کی ٹھنڈ غریبوں کی آستین میں ہے

تم آ کے دیکھ لو فٹ پاتھ پر بھی بستر سے

rahi hai yun hi nadamat mujhe muqaddar se

guzar rahi hai saba jis tarah mire ghar se

charha hai shauq mujhe zabt azmane ka

likhun fasana koi aina pe patthar se

musafiron sa kabhi jab main shahr se guzra

tu raston mein kai raste the banjar se

tumhare gham ne duboya hai par pukaro to

main laut aun isi pal kisi samundar se

maze ki thand gharibon ki astin mein hai

tum a ke dekh lo fit path par bhi bistar se