وہی نباہ کے کانٹے وہی گلاب کے پھول

وہی نباہ کے کانٹے وہی گلاب کے پھول

میرے نصیب میں کب آئے میرے خواب کے پھول

سکون ضبط پہ ٹھہرا وہ درد کا موسم

جنوں کے رنگ میں کھلتے رہے عذاب کے پھول

طلسم کیسا بندھا ہے ہوائے صحرا سے

مہک رہے ہیں میری ذات میں سراب کے پھول

بہ شکل بت ملی صحرا میں دیوی پت جھڑ کی

یہ سوچتا ہوں چڑھاؤں اسے میں آب کے پھول

نہیں ہے کوئی توازن وفا و حسن کے بیچ

نہ اب وہ ہجر نہ سوکھے ہوئے کتاب کے پھول

مہک رہی ہے میرے صحن کی نئی مٹی

برس رہے ہیں بڑی دیر سے سحاب کے پھول

wahi nibah ke kante wahi gulab ke phul

mere nasib mein kab ae mere khwab ke phul

sukun-e-zabt pe thahra wo dard ka mausam

junun ke rang mein khulte rahe azab ke phul

tilism kaisa bandha hai hawa-e-sahra se

mahak rahe hain meri zat mein sarab ke phul

ba shakl-e-but mili sahra mein dewi pat jhar ki

ye sochta hun charhaun use main ab ke phul

nahin hai koi tawazun wafa-o-husn ke bich

na ab wo hijr na sukhe hue kitab ke phul

mahak rahi hai mere sehn ki nai mitti

baras rahe hain bari der se sahab ke phul