اس گلی تک سڑک رہی ہوگی

اس گلی تک سڑک رہی ہوگی

راہ اب بھی وہ تک رہی ہوگی

رشک بادل کو بھی ہوا ہوگا

دھوپ اس پر چمک رہی ہوگی

میں بھی کب میں ہوں ایسے موسم میں

وہ بھی خود میں بہک رہی ہوگی

دشت و صحرا کی اوٹ میں شاید

یہ زمیں زخم ڈھک رہی ہوگی

وہ بہت اجنبی سا پیش آیا

دل میں کوئی کسک رہی ہوگی

جو شجر صحن میں لگا ہے عرشؔ

اس پہ چڑیا چہک رہی ہوگی

us gali tak sarak rahi hogi

rah ab bhi wo tak rahi hogi

rashk badal ko bhi hua hoga

dhup us par chamak rahi hogi

main bhi kab main hun aise mausam mein

wo bhi khud mein bahak rahi hogi

dasht-o-sahra ki ot mein shayad

ye zamin zakhm dhak rahi hogi

wo bahut ajnabi sa pesh aya

dil mein koi kasak rahi hogi

jo shajar sehn mein laga hai arsh

us pe chiriya chahak rahi hogi