ترے غرور مرے ضبط کا سوال رہا

ترے غرور مرے ضبط کا سوال رہا

بکھر بکھر کے تجھے چاہنا کمال رہا

وہیں پے ڈوبنا آرام سے ہوا ممکن

جہاں پہ موج و سفینہ میں اعتدال رہا

نہیں کہ شام ڈھلے تم نہ لوٹتے لیکن

تمہاری راہ میں سورج ہی لا زوال رہا

پھر اپنا ہاتھ کلیجہ پہ رکھ لیا ہم نے

پھر اس کے پاؤں کی آہٹ کا احتمال رہا

tire ghurur mire zabt ka sawal raha

bikhar bikhar ke tujhe chahna kamal raha

wahin pe dubna aram se hua mumkin

jahan pe mauj-o-safina mein etidal raha

nahin ke sham dhale tum na lautte lekin

tumhari rah mein suraj hi la zawal raha

phir apna hath kaleja pe rakh liya ham ne

phir us ke paon ki ahat ka ehtimal raha