نم آنکھوں میں کیا کر لے گا غصہ دیکھیں گے

نم آنکھوں میں کیا کر لے گا غصہ دیکھیں گے

اوس کے اوپر چنگاری کا لہجہ دیکھیں گے

شیشے کے بازار سے لے آئیں گے کچھ چہرے

وہی پہن کر ہم گھر کا بھی شیشہ دیکھیں گے

کتنی دور تلک جائے گی ضبط کی یہ کشتی

کتنا گہرا ہے اس درد کا دریا دیکھیں گے

دریا کے پیچھے پیچھے ہم صحرا تک آئے

کس منزل کو لے جائے اب صحرا دیکھیں گے

روٹھنے والی خط پڑھ کر فوراً ہی لوٹ آئیں

ہم نے لکھا تھا سیل لگی ہے کپڑا دیکھیں گے

کچھ دن میں دل کا کھو جانا بالکل ممکن ہے

کہتا ہے ہم بڑے ہوئے اب دنیا دیکھیں گے

nam ankhon mein kya kar lega ghussa dekhenge

os ke upar chingari ka lahja dekhenge

shishe ke bazar se le aenge kuchh chehre

wahi pahan kar ham ghar ka bhi shisha dekhenge

kitni dur talak jaegi zabt ki ye kashti

kitna gahra hai is dard ka dariya dekhenge

dariya ke pichhe pichhe ham sahra tak ae

kis manzil ko le jae ab sahra dekhenge

ruthne wali khat parh kar fauran hi laut aen

ham ne likha tha sail lagi hai kapra dekhenge

kuchh din mein dil ka kho jana bilkul mumkin hai

kahta hai ham bare hue ab duniya dekhenge