کسی سوکھے ہوئے شجر سا ہوں

کسی سوکھے ہوئے شجر سا ہوں

ایک لمحے میں عمر بھر سا ہوں

تم ہنسو اور مسکراؤں میں

شمس تم ہو تو میں قمر سا ہوں

کوئی مجھ میں نظر نہیں آتا

ایک ویران رہ گزر سا ہوں

وقت اک جھیل سا ہوا مجھ میں

کوئی ٹھہرا ہوا سا عرصہ ہوں

تجھ میں کتنی نمی چلی آئی

جب سے تیری زمیں پہ برسا ہوں

تم مری زندگی کے مالک عرشؔ

اور میں زندگی کو ترسا ہوں

kisi sukhe hue shajar sa hun

ek lamhe mein umr bhar sa hun

tum hanso aur muskuraun mein

shams tum ho to main qamar sa hun

koi mujh mein nazar nahin ata

ek wiran rah guzar sa hun

waqt ik jhil sa hua mujh mein

koi thahra hua sa arsa hun

tujh mein kitni nami chali ai

jab se teri zamin pe barsa hun

tum miri zindagi ke malik arsh

aur main zindagi ko tarsa hun