شہر بیزار رہ گزر تنہا

شہر بیزار رہ گزر تنہا

زندگی اٹھ چلی کدھر تنہا

میری رگ رگ میں دھول رقصاں ہے

مجھ میں موجود ہے کھنڈر تنہا

دشت کی ناتمام راہوں پر

کوئی ساتھی ہے تو شجر تنہا

تیری آہٹ سجا کے پلکوں پر

ڈھونڈھتی ہے تجھے نظر تنہا

ہو کے بے نور رات کہلائی

چاند کو ڈھونڈھتی سحر تنہا

سنگ بھی دل بھی اور ٹھوکر بھی

عرشؔ تنہا نہ یہ سفر تنہا

shahr bezar rah guzar tanha

zindagi uth chali kidhar tanha

meri rag rag mein dhul raqsan hai

mujh mein maujud hai khandar tanha

dasht ki natamam rahon par

koi sathi hai to shajar tanha

teri ahat saja ke palkon par

dhundhti hai tujhe nazar tanha

ho ke be nur rat kahlai

chand ko dhundhti sahar tanha

sang bhi dil bhi aur thokar bhi

arsh tanha na ye safar tanha