Arooz is now on the App Store, for iPhone and iPad. Download →

All poetry

بیتے وقت کا چہرہ ڈھونڈھتا رہتا ہے

Vijay Sharma (b. 1995)

بیتے وقت کا چہرہ ڈھونڈھتا رہتا ہے

دل پاگل ہے کیا کیا ڈھونڈھتا رہتا ہے

خاموشی بھی ایک صدا ہی ہے جس کو

سننے والا گویا ڈھونڈھتا رہتا ہے

شبنم شبنم پگھلی پگھلی یادیں ہیں

میرا غم تو صحرا ڈھونڈھتا رہتا ہے

اس نے اپنی منزل حاصل کر لی ہے

پھر کیوں گھر کا رستہ ڈھونڈھتا رہتا ہے

دل سب سے ملتا ہے ہلکے لہجے میں

سب میں کچھ کچھ تجھ سا ڈھونڈھتا رہتا ہے

بیچ دیا گلدان وراثت کا اس نے

بھائی مرا اب گملا ڈھونڈھتا رہتا ہے

جیب میں دل تھیلے میں پتھر لے کر عرشؔ

شہر کوئی دیوانہ ڈھونڈھتا رہتا ہے