بارہ چاند گئے پونم کے پیار بھرا اک ساون بھی

بارہ چاند گئے پونم کے پیار بھرا اک ساون بھی

گئے دنوں میں سال بھی گزرا اور گیا کچھ جیون بھی

جشن جیت کا کون منائے کون اٹھائے ہار کا غم

عکس مرا بھی بکھرا سا ہے ٹوٹ گیا وہ درپن بھی

میرے قد کو ماپنے والے شاید تجھ کو یاد نہیں

انگلی پر ہی اٹھ جاتا ہے کبھی کبھی گوردھن بھی

پہلے تو آغاز سفر کر پھر تاروں کی دوکانوں سے

بالی بندے جھمکے پائل لے دوں گا میں کنگن بھی

اس کو چھو کر لوٹ رہا ہوں مہک رہا ہے جسم ایسے

جیسے مہک رہی ہو دھونی کستوری اور چندن بھی

bara chand gae punam ke pyar bhara ik sawan bhi

gae dinon mein sal bhi guzra aur gaya kuchh jiwan bhi

jashn jit ka kaun manae kaun uthae har ka gham

aks mira bhi bikhra sa hai tut gaya wo darpan bhi

mere qad ko mapne wale shayad tujh ko yad nahin

ungli par hi uth jata hai kabhi kabhi gordhun bhi

pahle to aghaz-e-safar kar phir taron ki dukanon se

bali bande jhamke pail le dunga mein kangan bhi

us ko chhu kar laut raha hun mahak raha hai jism aise

jaise mahak rahi ho dhoni kasturi aur chandan bhi