دل میں ہو گر خواہش تصویر عبرت دیکھنا

دل میں ہو گر خواہش تصویر عبرت دیکھنا

خوش نصیبی بانٹنے والوں کی قسمت دیکھنا

دوستوں اور دشمنوں کے درمیاں رہ کر تو دیکھ

تجھ کو آ جائے گا فرق نور و ظلمت دیکھنا

کیا قیامت سے ڈریں ہم لوگ تو وہ ہیں جنہیں

پڑ رہا ہے روز ہی روز قیامت دیکھنا

مفلسی کے دن ہیں اور برسات کی آمد کا شور

مشغلا سا بن گیا ٹوٹی ہوئی چھت دیکھنا

ایسے موقعوں پر جب آئیں زندگی میں مشکلیں

جن کی جانب دیکھنا ہو بھول کر مت دیکھنا

اے سعادتؔ جو نصیحت کرتے ہو اوروں کو تم

اس نصیحت کو کبھی اپنی بھی بابت دیکھنا

dil mein ho gar khwahish-e-taswir-e-ibrat dekhna

khush nasibi bantne walon ki qismat dekhna

doston aur dushmanon ke darmiyan rah kar to dekh

tujh ko a jaega farq-e-nur-o-zulmat dekhna

kya qayamat se daren ham log to wo hain jinhen

par raha hai roz hi roz-e-qayamat dekhna

muflisi ke din hain aur barsat ki amad ka shor

mashghala sa ban gaya tuti hui chhat dekhna

aise mauqaon par jab aen zindagi mein mushkilen

jin ki janib dekhna ho bhul kar mat dekhna

ai saadat jo nasihat karte ho auron ko tum

is nasihat ko kabhi apni bhi babat dekhna