یہی نہیں کہ فقط پیار کرنے آئے ہیں

یہی نہیں کہ فقط پیار کرنے آئے ہیں

ہم ایک عمر کا تاوان بھرنے آئے ہیں

وہ ایک رنگ مکمل ہو جس سے تیرا وجود

وہ رنگ ہم ترے خاکے میں بھرنے آئے ہیں

ٹھٹھر نہ جائیں ہم اس عجز کی بلندی پر

ہم اپنی سطح سے نیچے اترنے آئے ہیں

یہ بوند خون کی لوح کتاب رخ کے لیے

یہ تل سر لب و رخسار دھرنے آئے ہیں

لگا رہے ہیں ابھی خیمے غم کی وادی میں

ہم اس پہاڑ سے دامن کو بھرنے آئے ہیں

ترے لبوں کو ملی ہے شگفتگی گل کی

ہماری آنکھ کے حصے میں جھرنے آئے ہیں

نثارؔ بند قبا کھولنا محال نہ تھا

سو ہم جمال قبا بند کرنے آئے ہیں

yahi nahin ke faqat pyar karne ae hain

ham ek umr ka tawan bharne ae hain

wo ek rang mukammal ho jis se tera wajud

wo rang ham tire khake mein bharne ae hain

thithar na jaen ham is ijz ki bulandi par

ham apni sath se niche utarne ae hain

ye bund khun ki lauh-e-kitab-e-rukh ke liye

ye til sar-e-lab-o-rukhsar dharne ae hain

laga rahe hain abhi kheme gham ki wadi mein

ham is pahar se daman ko bharne ae hain

tire labon ko mili hai shaguftagi gul ki

hamari ankh ke hisse mein jharne ae hain

nisar band-e-qaba kholna muhal na tha

so ham jamal qaba band karne ae hain