کتنے مہان لوگ جہاں سے گزر گئے

کتنے مہان لوگ جہاں سے گزر گئے

کیا چیز ہیں ہم آپ کہ جب وہ بھی مر گئے

اک گرد اٹھی وبا کی چھٹی تو نظر پڑی

ہائے وہ اقربا وہ احبا کدھر گئے

غیروں کو کیا خبر مزے اپنوں سے وصل کے

تم جانو موت اس کو میاں ہم تو گھر گئے

آخر کھلا پڑا جو بتوں سے معاملہ

ہم جی ہی جی میں خوش تھے کہ لو ہم سنور گئے

واعظ تھا خوش کہ کان کھڑے وعظ سے ہوئے

گھر سے چلے تھے خر جو گئے بھی تو خر گئے

نظریں نہیں بچائیں تو بت ہائے مرمریں

آنکھوں کی راہ سے کہیں دل میں اتر گئے

اک با خدا کی خوش نظری کام کر گئی

آئے تھے ملنے شاہؔ لگا کے نظر گئے

kitne mahan log jahan se guzar gae

kya chiz hain ham ap ke jab wo bhi mar gae

ik gard uthi waba ki chhutti to nazar pari

hae wo aqriba wo ahba kidhar gae

ghairon ko kya khabar maze apnon se wasl ke

tum jano maut us ko miyan ham to ghar gae

akhir khula para jo buton se muamla

ham ji hi ji mein khush the ke lo ham sanwar gae

waiz tha khush ke kan khare waaz se hue

ghar se chale the khar jo gae bhi to khar gae

nazren nahin bachaen to but ha-e-marmarin

ankhon ki rah se kahin dil mein utar gae

ik ba khuda ki khush nazari kam kar gai

ae the milne shah laga ke nazar gae