تم رونق حیات تھے جب تم نہیں رہے

تم رونق حیات تھے جب تم نہیں رہے

ہونٹوں پہ وہ گزشتہ تبسم نہیں رہے

انساں کہاں بچے جو محبت فنا ہوئی

یعنی شراب ختم ہوئی خم نہیں رہے

اچھا ہوا کہ چھوڑ دیا آپ نے ہمیں

اچھا ہوا کہ ہم ابھی گم صم نہیں رہے

ہونا نہ ہونا اپنا برابر ہے دوستو

ہم تم یوں رہ گئے ہیں کہ ہم تم نہیں رہے

یادش بخیر گاؤں کی تاروں بھری وہ رات

اس روشنی کے شہر میں انجم نہیں رہے

tum raunaq-e-hayat the jab tum nahin rahe

honton pe wo guzishta tabassum nahin rahe

insan kahan bachche jo mohabbat fana hui

yaani sharab khatm hui kham nahin rahe

achchha hua ke chhor diya ap ne hamen

achchha hua ke ham abhi gum sum nahin rahe

hona na hona apna barabar hai dosto

ham tum yun rah gae hain ke ham tum nahin rahe

yadash bakhair gaon ki taron bhari wo rat

is raushni ke shahr mein anjum nahin rahe