پھولوں کی خواہش میں اکثر کانٹوں کو اپناتے ہیں

پھولوں کی خواہش میں اکثر کانٹوں کو اپناتے ہیں

عادت سے مجبور ہیں اپنا دامن خود الجھاتے ہیں

ایک نظر ان کی خاطر بھی ایک نظر ان کی جانب

موسم گل میں جو دیوانے ماتمی نغمے گاتے ہیں

سیپ کے باہر پانی کیا مفلس کا میلا آنچل کیا

سونے پر ٹپکے آنسو بھی تاج محل بن جاتے ہیں

پچھلے ساون میں پل پل جلتے رہنے کا حکم ملا

اب کے تیرے دیس کے بادل کیا سندیسہ لاتے ہیں

درد کے صحراؤں کے آگے پیار کے میٹھے چشمے ہیں

خوابوں کے سوداگر جانے کیا کیا خواب دکھاتے ہیں

لوگ یہ کیسے ہیں جو ہم سے دن میں آنکھ چراتے ہیں

شام ڈھلے تو لے کر ساغر پینے پلانے آتے ہیں

phulon ki khwahish mein aksar kanton ko apnate hain

adat se majbur hain apna daman khud uljhate hain

ek nazar un ki khatir bhi ek nazar un ki janib

mausam gul mein jo diwane matami naghme gate hain

sip ke bahar pani kya muflis ka maila anchal kya

sone par tapke ansu bhi taj mahal ban jate hain

pichhle sawan mein pal pal jalte rahne ka hukm mila

ab ke tere des ke badal kya sundisah late hain

dard ke sahraon ke age pyar ke mithe chashme hain

khwabon ke saudagar jane kya kya khwab dikhate hain

log ye kaise hain jo ham se din mein ankh churate hain

sham dhale to le kar saghar pine pilane ate hain