ریزہ ریزہ میں سر راہ بکھر جاؤں گا

ریزہ ریزہ میں سر راہ بکھر جاؤں گا

تم سے گر دور رہوں گا تو میں مر جاؤں گا

شام آئے گی تو سوچا ہے کدھر جاؤں گا

بن کے خورشید سمندر میں اتر جاؤں گا

وقت لگنا ہے مگر کام یہ کر جاؤں گا

اک نہ اک دن میں ترے دل میں اتر جاؤں گا

مجھ کو معلوم ہے انجام محبت اے دوست

میں تجھے ٹوٹ کے چاہوں گا بکھر جاؤں گا

یاد رکھے گی مجھے جس سے یہ دنیا فیصلؔ

راہ الفت میں کوئی کام وہ کر جاؤں گا

reza reza mein sar-e-rah bikhar jaunga

tum se gar dur rahunga to main mar jaunga

sham aegi to socha hai kidhar jaunga

ban ke khurshid samundar mein utar jaunga

waqt lagna hai magar kam ye kar jaunga

ik na ik din mein tire dil mein utar jaunga

mujh ko maalum hai anjam-e-mohabbat ai dost

main tujhe tut ke chahunga bikhar jaunga

yad rakhegi mujhe jis se ye duniya faisal

rah-e-ulfat mein koi kam wo kar jaunga