ہزار زخم بہ عنوان جاں لئے پھرنا

ہزار زخم بہ عنوان جاں لئے پھرنا

امید و بیم کی ایک داستاں لئے پھرنا

محبتوں کو برتنا نہ آیا عمر گئی

ہزیمتوں کے دلوں میں نشاں لئے پھرنا

یہ بد دیانتی فطرت ہے کچھ ادیبوں کی

کسی کے لفظ کسی کا بیاں لئے پھرنا

دلوں میں دفتر حب بتاں لئے پھرنا

وفور شوق کی ناکامیوں میں خوش ہونا

ہجوم درد میں دل شادماں لئے پھرنا

جو رفتگاں ہیں کبھی لوٹ کر نہ آئیں گے

تم اپنے ساتھ ہی یہ کہکشاں لئے پھرنا

زمیں کا رزق بنے سب شجر سایہ دار

اب ان کی چاہ کا تم سائباں لئے پھرنا

جو گھر بسائے تھے لٹ پٹ کے ہو گئے برباد

تم اپنے کاندھوں پہ اک آشیاں لئے پھرنا

کوئی کہے اسے ہم زندگی نہیں کہتے

ضعیف کاندھوں پہ بار گراں لئے پھرنا

حصول رزق ہی مقصد نہیں ہے جینے کا

دل و دماغ کو مت رائیگاں لئے پھرنا

یہ اور بات کے محرومیاں رہیں ہم گام

تم آرزو کو یوں ہی بے کراں لئے پھرنا

گزشتگاں کی وہ صحبت کہاں عروجؔ مگر

انہیں کے ذکر سے دل شادماں لئے پھرنا

جنون شوق میں شدت نہ ہو تو ہے بے سود

جنون عشق کا طوق گراں لئے پھرنا

hazar zakhm ba unwan-e-jan liye phirna

ummid-o-bim ki ek dastan liye phirna

mohabbaton ko baratna na aya umr gai

hazemton ke dilon mein nishan liye phirna

ye bad diyanati fitrat hai kuchh adibon ki

kisi ke lafz kisi ka bayan liye phirna

dilon mein daftar hub-e-butan liye phirna

wafur-e-shauq ki nakamiyon mein khush hona

hujum-e-dard mein dil shadman liye phirna

jo raftagan hain kabhi laut kar na aenge

tum apne sath hi ye kahkashan liye phirna

zamin ka rizq bane sab shajar-e-saya dar

ab un ki chah ka tum saiban liye phirna

jo ghar basae the lut pat ke ho gae barbad

tum apne kandhon pe ik ashiyan liye phirna

koi kahe use ham zindagi nahin kahte

zaif kandhon pe bar-e-giran liye phirna

husul-e-rizq hi maqsad nahin hai jine ka

dil-o-dimagh ko mat raigan liye phirna

ye aur bat ke mahrumiyan rahen ham gam

tum arzu ko yun hi be karan liye phirna

guzashtgan ki wo sohbat kahan uruj magar

unhen ke zikr se dil shadman liye phirna

junun-e-shauq mein shiddat na ho to hai be sud

junun-e-ishq ka tauq-e-giran liye phirna