در بدر مزدور کی تقدیر سوچ

در بدر مزدور کی تقدیر سوچ

مر گیا ہے کیوں بھلا رہ گیر سوچ

عالم پژمردگی کے درمیاں

حوصلوں سے پر کوئی تحریر سوچ

آ کے مقتل میں تذبذب کس لئے

خواب دیکھا ہے تو پھر تعبیر سوچ

اک مکان مختصر سے خوش نہ ہو

یہ زمیں ہو کس طرح تسخیر سوچ

ظلم سہنا ظلم کی تائید ہے

کیسے ٹوٹے ظلم کی زنجیر سوچ

بے سبب تخریب گلشن روک دے

پھول ہو جائیں اگر شمشیر سوچ

تو نگاہوں سے چراتا ہے سکوں

یہ خطا ہے لائق تعزیر سوچ

لاش بچے کی لئے ساکت ہے وہ

کیوں نہ رویا صاحب تصویر سوچ

سب تو اپنے تھے عدو کوئی نہ تھا

کر دیا پیوست کس نے تیر سوچ

شکوۂ افلاس اسعدؔ چھوڑ کر

کیوں بکی اجداد کی جاگیر سوچ

dar badar mazdur ki taqdir soch

mar gaya hai kyun bhala rah gir soch

alam-e-pazhmurdagi ke darmiyan

hauslon se par koi tahrir soch

a ke maqtal mein tazabzub kis liye

khwab dekha hai to phir taabir soch

ik makan-e-mukhtasar se khush na ho

ye zamin ho kis tarah taskhir soch

zulm sahna zulm ki taid hai

kaise tute zulm ki zanjir soch

be sabab takhrib gulshan rok de

phul ho jaen agar shamshir soch

tu nigahon se churata hai sukun

ye khata hai laiq-e-taazir soch

lash bachche ki liye sakit hai wo

kyun na roya sahab-e-taswir soch

sab to apne the adu koi na tha

kar diya paiwast kis ne tir soch

shikwa-e-iflas asad chhor kar

kyun biki ajdad ki jagir soch