زندگی بھر دوڑتا ہے بیٹھ جا

زندگی بھر دوڑتا ہے بیٹھ جا

غم کہاں کب بولتا ہے بیٹھ جا

پہلی بارش دیکھ کر برسات کی

جانے کیا تو سوچتا ہے بیٹھ جا

اس قدر لے کر چلا بار حیات

راستہ ہی بولتا ہے بیٹھ جا

پاؤں کھینچا ہے ترا احباب نے

کیوں سہارا ڈھونڈھتا ہے بیٹھ جا

طشت میں لاشیں سجی ہیں خون ہے

یہ سیاسی ناشتہ ہے بیٹھ جا

جھوٹ کی دنیا میں سب الجھے ہیں تو

بات سچی بولتا ہے بیٹھ جا

اک دیے نے جل کے طوفاں سے کہا

مجھ سے ڈر کر کانپتا ہے بیٹھ جا

ننھے بچے کو تلاوت سے نہ روک

کان میں رس گھولتا ہے بیٹھ جا

دیکھ اسعدؔ اجنبی اک شخص سے

رشتۂ جاں جوڑتا ہے بیٹھ جا

zindagi bhar daurta hai baith ja

gham kahan kab bolta hai baith ja

pahli barish dekh kar barsat ki

jane kya to sochta hai baith ja

is qadar le kar chala bar-e-hayat

rasta hi bolta hai baith ja

paon khincha hai tira ahbab ne

kyun sahara dhundhta hai baith ja

tasht mein lashen saji hain khun hai

ye siyasi nashta hai baith ja

jhut ki duniya mein sab uljhe hain to

bat sachchi bolta hai baith ja

ik diye ne jal ke tufan se kaha

mujh se dar kar kanpta hai baith ja

nanhe bachche ko tilawat se na rok

kan mein ras gholta hai baith ja

dekh asad ajnabi ik shakhs se

rishta-e-jan jorta hai baith ja